गडचिरोलीतील मार्कंडेश्वर मंदिर आता रात्री ९ वाजेपर्यंत राहणार खुले - KhabarBat™

Breaking

KhabarBat™

kavyashilp™ Digital Media •Reg• MH20D0050703

    Create Your Dream Website  

💻 Create a beautiful, modern website

with all the features you need for your industry. 

          News Portals/ Website -   📞 Call- 7264982465      

३० जुलै २०१९

गडचिरोलीतील मार्कंडेश्वर मंदिर आता रात्री ९ वाजेपर्यंत राहणार खुले

चंद्रपूर/प्रतिनिधी:
विदर्भाचे खजुराहो अशी ओळख असणारे गडचिरोली जिल्ह्याच्या चामोर्शी तालुक्यातील प्रसिद्ध मार्कंडेश्वर मंदिर आता सूर्योदयापासून रात्री 9 वाजेपर्यंत भाविक व पर्यटकांसाठी खुले राहणार असल्याची माहिती,केंद्रीय सांस्कृतिक राज्यमंत्री (स्वतंत्र प्रभार) प्रल्हाद पटेल यांनी दिली.

श्री. पटेल यांनी आज देशातील 10 ऐतिहासिक वास्तू दर्शनाच्या वेळत वाढ केल्याची घोषणा केली. देशातील या ऐतिहासिक वास्तू दर्शनाचा लाभ देश-विदेशातील पर्यटकांना जास्तीत-जास्त वेळ घेता यावा या उद्देशाने वास्तू दर्शन वेळेमध्ये वाढ करण्यात आली आहे. चिन्हित 10 ऐतिहासिक वास्तू दर्शनाची वेळ सकाळी 9 ते सायंकाळी 5.30 अशी होती. ती वाढवून आता सूर्योदयापासून रात्री 9 वाजेपर्यंत करण्यात आल्याचे श्री. पटेल यांनी प्रसार माध्यमांना सांगितले.

महाराष्ट्रातील मार्कंडेश्वर मंदिरासह ,ओडिशातील राजराणी मंदिर परिसर, मध्य प्रदेशातील खजुराहो येथील दुल्हादेव मंदिर, हरियाणातील ‘शेखचिल्ली मकबरा’, दिल्लीतील ‘हुमायूँ मकबरा’ आणि ‘सफदरजंग मकबरा’,कर्नाटकातील ‘पट्टडक्कल वास्तु समूह’ आणि ‘गोल घुमट’, उत्तर प्रदेशातील वाराणसी येथील ‘मान महल वेधशाळा’ आणि गुजरात राज्यातील पाटन येथील‘राणी की वाव’ या 10 ऐतिहासिक वास्तूंचा समावेश आहे.